ഓർത്തഡോക്സ്‌ സഭ ദുഃഖവെളളിയാഴ്ച ‘സൈബർ ഫാസ്റ്റ്’ ആചരിക്കുന്നു
കഴിഞ്ഞ വര്‍ഷത്തേതിന് സമാനമായി ഈ വര്‍ഷവും ദു:ഖവെളളിയാഴ്ച്ച (ഏപ്രില്‍ 14) മൊബൈല്‍ ഫോണ്‍, ടി.വി, ഇന്‍റര്‍നെറ്റ് തുടങ്ങിയ എല്ലാവിധ ഇലക്ട്രോണിക് ഉപകരണങ്ങളുടെയും ഉപയോഗം ഒഴിവാക്കി ആചരിക്കുന്ന സൈബര്‍ ഫാസ്റ്റില്‍ ഏവരും പങ്കാളികളാകണമെന്ന് പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവാ. സൈബര്‍ അഡിക്ഷന്‍ മൂലം ഉണ്ടാകുന്ന ആരോഗ്യപ്രശ്നങ്ങളും, മനുഷ്യബന്ധങ്ങളിലെ തകര്‍ച്ചയും, വര്‍ദ്ധിച്ച് വരുന്ന ആത്മഹത്യ പ്രവണതയും സൈബര്‍ കുറ്റകൃത്യങ്ങളിലെ വര്‍ദ്ധനവ് എന്നിവ ഒഴിവാക്കുന്നതിനുളള ബോധവത്ക്കരണത്തിന്‍റെ ഭാഗമായിട്ടാണ് സൈബര്‍ ഫാസ്റ്റ് ആചരിക്കുന്നത്. നോമ്പിലെ 5-ാം ഞായാറാഴ്ച്ച സഭ വാഹനഉപവാസം ആചരിച്ചു.
